Fotografía matemática

En que consiste a denominada "fotografía matemática" ?

Se oíches falar algunha vez de fotografía matemática pero nunca te atreviches a preguntar que é contámoscho. Din que as matemáticas se poden atopar en calquera parte e que se poden empregar para explicar moitos aspectos da nosa vida diaria. Pasámonos a vida rodeados de elementos que se construíron ou realizaron grazas a esta ciencia. O mundo está composto por liñas, curvas, puntos, formas xeométricas. Por iso é lóxico que ata a fotografía matemática exista hoxe en día. De feito, algúns dos movementos artísticos máis importantes (como pode ser o cubismo) caracterízanse por realzar estes factores xeométricos na realidade. 
Os edificios que nos rodean son o mellor exemplo de como as matemáticas nos axudan a construír as nosas vidas. Ademais, nos edificios que nos rodean podemos atopar as mellores inspiracións para as imaxes que queiramos tomar.
A fotografía adoita encargarse de retratar a contorna, a realidade que nos rodea. É inevitable, así, que nesas imaxes aparezan conceptos como simetría, proporción áurea, perspectiva, ángulos, fraccións, etc. Que comparten tanto a fotografía como as matemáticas. Unha imaxe pertence á fotografía matemática cando o seu contido ten que ver, de forma evidente, con algún aspecto matemático. 
Isto é, se se aprecia claramente elementos matemáticos. 
Ben pode ser aritmética, xeometría, numeración, divisibilidade, unha serie, un teorema, simetrías, xiros, mosaicos, etc. A día de hoxe son bastante abundantes os concursos de fotografía matemática en institutos e escolas para fomentar, precisamente, o interese cara a esta materia. Cámara en man, os estudantes saen á rúa para tratar de identificar os elementos matemáticos máis atractivos para ser fotografados. 
Non é tarefa sinxela, pois en calquera esquina podes atopar algo que sexa suxeito de ser retratado.

Fonte: pixabay As abellas son un dos mellores exemplos de que as matemáticas poden atoparse ata na natureza. A forma hexagonal dos panales que utilizan estes insectos poden considerarse parte da xeometría. A beleza e perfección dalgúns deles merece ser fotografado.

Obxectivos

Traballar xunto co alumnado de 6º  no proxecto ETWINNING : “ Digital Maths Notebook “

xunto a escolas finlandesas e francesas. 

Traballar as matemáticas como unha ferramenta útil para interpretar a vida real. Que os alumnos recoñezan os conceptos matemáticos da súa contorna máis inmediata. Mellorar a autoestima dos alumnos. Expor traballos de matemáticas dentro da gran diversidade que hai no alumnado. Que os alumnos poidan valorar a beleza das matemáticas e mellorar así a súa valoración, tanto persoal como social. Fomentar o espírito crítico dos alumnos. Potenciar o uso das novas tecnoloxías En resumo é unha excelente ferramenta para traballar todas as competencias: comunicativas, metodolóxicas e persoais..

Na próxima entrada van os nosos primeiros traballos👌